Pan fyddwn yn datblygu gwasanaethau Barod, byddwn yn ystyried strategaeth genedlaethol a thystiolaeth ryngwladol.
Rydym yn gwybod bod lleihau niwed yn gweithio a bod cynorthwyo pobl wrth iddynt adfer yn ymwneud â mwy na’r sylwedd ei hun.
Os hoffech gael gwybod mwy am gefndir y gwaith a wnawn, cliciwch y tabiau isod.
Os hoffech gael gwybod am weledigaeth a chenhadaeth Barod, trowch at ein tudalen Amdanom Ni
Mae adfer yn golygu gwahanol bethau i wahanol bobl. Mae’n daith eang a chymhleth y mae’n rhaid i bobl ei dilyn ar eu cyflymder eu hunain.
Mae’n llawer ehangach na chamddefnyddio sylweddau yn unig, ac mae’n gallu bod ar sawl ffurf gan gynnwys:
Mae Llywodraeth Cymru wedi creu fframwaith cenedlaethol ar gyfer gwasanaethau camddefnyddio sylweddau, ac mae wedi mabwysiadu’r diffiniad canlynol o adfer:
‘Caiff adfer o arfer sy’n peri problemau wrth ddefnyddio alcohol neu gyffuriau ei ddiffinio fel proses lle y mae’r anawsterau sy’n gysylltiedig â chamddefnyddio sylweddau naill ai wedi’u dileu neu eu lleihau’n sylweddol, ac mae’r gwelliant personol yn sgil hynny yn dod yn gynaliadwy.’
Mae dull gweithredu adfer yn meithrin annibyniaeth a sgiliau dros gyfnod o amser, gan sicrhau bod pobl yn sicrhau ‘perchnogaeth’ o’u taith eu hunain tuag at hunanreolaeth a rhyddid parhaus..
Cyfalaf adfer
Mae cyfalaf adfer yn cyfeirio at yr adnoddau mewnol ac allanol sydd gan unigolyn er mwyn sicrhau a chynnal newid ymddygiadol ac adfer.
Mae cyfalaf adfer a’r hyn sy’n effeithio ar y defnydd a wneir o sylweddau yn unigryw i bob unigolyn, ond mae rhai meysydd allweddol y mae o ddefnydd i ni eu hystyried yn cynnwys
Nod Barod yw manteisio ar bob cyfle i gynorthwyo unigolion, gan ystyried y cyfalaf adfer sydd ganddynt a’r hyn yr hoffent weithio arno; eu helpu i gadarnhau’r newidiadau a’r cynnydd y maent yn ei sicrhau
Partneriaethau Cydgymorth
Rydym yn annog ein defnyddwyr gwasanaeth i fynychu gweithgareddau adfer, megis y daith gerdded adfer flynyddol ar fynydd Pen Y Fan (a drefnir gan Chooselife mewn partneriaeth â Barod), a’r gynhadledd flynyddol Genedlaethol i Ddefnyddwyr Gwasanaeth.
Rydym yn hyrwyddo cyfleoedd cymorth rhwng cymheiriaid megis:
Am ragor o wybodaeth am y Fframwaith Adfer, trowch ato YMA
Mae Barod yn sefydliad y mae ei waith yn seiliedig ar leihau niwed.
Mae hyn yn golygu ein bod yn dymuno helpu i leihau’r niwed a achosir gan gamddefnyddio sylweddau – i’r defnyddiwr, eu teulu a’u ffrindiau ac i’r gymuned ehangach.
Ond nid yw lleihau niwed yn golygu ein bod i’r gwrthwyneb o ymwrthod, ac nid yw’n golygu ein bod yn ‘caniatáu’ neu’n ‘annog’ pobl i ddefnyddio sylweddau ychwaith. Rydym yn cydnabod bod y daith adfer yn golygu mwy nag un o’r dulliau gweithredu hyn neu’r llall; rydym yn cydnabod hawl defnyddwyr ein gwasanaeth i wneud dewisiadau gwybodus drostynt eu hunain ac rydym yn cydnabod nad yw’r un dull yn addas i bawb
Lleihau niwed yw sylfaen ein polisïau, ein rhaglenni, ein gwasanaethau a’n hymyriadau. Mae’n elfen angenrheidiol o’r daith adfer, yn ystod pob cam ohoni.
Yn fyr, gall ac mae lleihau niwed yn achub a gwella bywydau pobl.
Mae rhai o’r ffyrdd y byddwn yn helpu i leihau niwed yn cynnwys:
Mae gan Barod Grŵp Lleihau Niwed mewnol a fynychir gan staff ar draws ein sefydliad. Nod y grŵp yw sicrhau ein bod yn cyflawni yn erbyn ein Strategaeth Lleihau Niwed a’n bod yn cyflawni’r pwyntiau yn ein cynllun gweithredu.
Credwn bod defnyddwyr gwasanaeth yn allweddol er mwyn sicrhau bod y gwasanaethau yr ydym yn eu darparu yn bodloni eu hanghenion nhw ac anghenion unigolion eraill. Mae pob unigolyn yn arbenigwr am yr hyn a fydd yn gweithio orau iddyn nhw, felly rydym yn sicrhau bod cynnwys defnyddwyr gwasanaeth yn rhan sylfaenol o’n hethos a’n gweithrediadau.
Rydym yn ystyried cyswllt defnyddwyr ar 3 lefel ar wahân:
Cyswllt gyda chynllunio gofal personol
Cyswllt gyda datblygu gwasanaeth Barod
Os hoffech gymryd rhan mewn unrhyw un o’r cyfleoedd hyn i roi adborth, mynnwch sgwrs gyda’ch gweithiwr neu defnyddiwch y blychau adborth yn eich adeilad lleol.
Cynnwys defnyddwyr mewn ffordd strategol
Cadwch olwg am gyfleoedd i gymryd rhan neu rhowch wybod i’ch gweithiwr achos os oes gennych chi ddiddordeb ym manylion ymarferol camddefnyddio sylweddau a chynllunio ar draws ardaloedd neu ranbarthau, fel y gallwn gysylltu â chi yn uniongyrchol.
Yn anffodus, mae gorddos yn rhywbeth cyffredin ymhlith defnyddwyr cyffuriau sy’n chwistrellu. Mae Naloxone yn gyffur sy’n achub bywydau ac sy’n gallu atal neu oedi gorddos yn rhan fwyaf yr achosion, gan roi amser i’r gwasanaethau brys gyrraedd.
Mae Naloxone yn wrthwynebydd opiadau sy’n dadwneud effeithiau gorddos dros dro. Mae’n para tua 20-30 munud ac mae’n cynnig y cyfle i achub bywyd.
Mae cynllun cadw Naloxone yn y cartref yn caniatáu i ddefnyddwyr opiadau a’r rhai sy’n pryderu amdanynt gwblhau sesiwn hyfforddiant byr am Naloxone a sut i’w ddefnyddio. Rhoddir pecyn iddynt i’w gadw.
Bydd staff Barod yn trafod risgiau gorddos a’r hyn i’w wneud mewn achos o’r fath gyda defnyddwyr gwasanaeth yn rheolaidd.
Mae gwybodaeth er mwyn lleihau risg gorddos yn cynnwys:
Anogir unigolion i ddod yn ymwybodol o arwyddion gorddos, sy’n cynnwys:
Mae Barod yn monitro pob marwolaeth sy’n gysylltiedig â chyffuriau a byddwn yn archwilio’r achosion yn ystod cyfarfodydd aml-asiantaeth er mwyn gweld a oes unrhyw bwyntiau i’w dysgu. Un o’n nodau craidd yw lleihau nifer y marwolaethau yng Nghymru sy’n gysylltiedig â chyffuriau.
Ystyrir yn eang bod sefydlu cynlluniau cyfnewid nodwyddau ar draws y DU yn y 1980au yn un o’n mentrau mwyaf llwyddiannus er mwyn hyrwyddo iechyd a lleihau niwed.
Mae cyfnewid nodwyddau yn rhan hanfodol o’r gwaith a wnawn er mwyn lleihau’r niwed a achosir gan ddefnyddio sylweddau. Mae’n lle tawel a chyfrinachol lle y gall defnyddwyr gwasanaeth gael cymorth a chyngor, yn ogystal ag offer glân a diogel.
Mae gwasanaethau cyfnewid nodwyddau wastad yn gyfrinachol. Bydd staff yn gofyn am rywfaint o wybodaeth sylfaenol, a gofnodir mewn cronfa ddata o’r enw NEO, lle y bydd y data yn ddienw. Defnyddir y wybodaeth hon er mwyn nodi patrymau neu dueddiadau defnyddio a’r offer a ddefnyddir, yn ogystal â gwybodaeth ynghylch cyfeirio i wasanaethau eraill. Ni rennir enwau neu wybodaeth adnabyddadwy arall.
Mae Barod yn darparu gwasanaethau cyfnewid nodwyddau yn ystod oriau gwaith arferol yn ei leoliadau
yn:
Rydym yn nodi cyfeiriadau fferyllfeydd sy’n cynnig cyfleuster cyfnewid nodwyddau mewn man amlwg ar ddrysau ein gwasanaethau
Rydym yn darparu ystod lawn o daflenni ac offer, gan gynnwys:
Mae gweithgarwch cyfnewid nodwyddau yn gyfle i ddefnyddwyr gwasanaeth nad ydynt yn cael cyswllt gydag unrhyw wasanaethau eraill efallai, i ymgysylltu mewn ffordd uniongyrchol â gweithwyr cyffuriau arbenigol am faterion dwys ynghylch eu harferion chwistrellu, safleoedd chwistrellu a’u hiechyd cyffredinol.
Mae’r holl staff sy’n darparu gwasanaethau cyfnewid nodwyddau wedi cael eu hyfforddi ac maent yn gymwys ym maes cynnig cyngor ynghylch chwistrellu mwy diogel, ac maent yn manteisio ar y cyfle i ymgysylltu â defnyddwyr sy’n chwistrellu cyffuriau. Yn ogystal, rydym yn annog pobl i ddychwelyd offer a ddefnyddiwyd mewn ffordd ddiogel, gan ddarparu biniau offer miniog i bob unigolyn sy’n defnyddio’r cyfleuster cyfnewid nodwyddau.
Mae Barod yn aelod o Fforwm Cyfnewid Nodwyddau Cymru. Rydym yn gweithio yn unol ag arfer wedi’i seilio ar dystiolaeth, gan gynnwys canllawiau NICE wedi’u diweddaru, fframwaith trin Llywodraeth Cymru a’n Polisi Cyfnewid Nodwyddau mewnol.
Trowch at ein fideo Byw ar Facebook isod, , sy’n eich tywys o gwmpas un o’n cyfleusterau cyfnewid nodwyddau
